İctimai Elmlər Akademiyası 20 ildən artıqdır ki, Polşada ən böyük  özəl universitetdir. Ali təhsil məktəbi təhsilin müxtəlif növlərini təklif edir: 20-dən çox fakültənin bakalavr və magistratura, aspirantura və MBA. O, həmçinin internet vasitəsilə və ingilis dilli bir çox fakültələrdə təhsil alma fürsəti verir.

Erasmus+ proqramı çərçivəsində bütün İEA-nın tələbələrinin xarici şirkətlər və universitetlərdə 1-2 semestr və ya ən azı 2 aylıq təcrübəyə getmək imkanı vardır, bununla da o, gələcək professional həyatında əvəzsiz xeyir əldə edəcək.

Reytinqlərdə dəyişilməz lider yeri, Varşavanın mərkəzində yerləşməsi, ABŞ-nın Klark Universitetilə sıx əlaqə sayəsində tələbələrin Polşa diplomu ilə bərabər “Master” amerikan diplomunu almaq, hətta ABŞ-a tədris ya təcrübə üçün getmək imkanınin olması İctimai Elmlər Akademiyasının üstünlüklərindən bir neçəsidir.

Varşava, Polşa

Financial Times qəzetinə görə, Kozminski Universiteti Orta və Şərqi Avropada ən yaxşı biznes məktəbidir. Universitet Global Masters reytinqinə görə idarəetmə sahəsində dünyada 25-ci, maliyyə sahəsində isə dünyada 19-cu yeri tutmuşdur.

Akademiyanın Brüsseldəki European Foundation for Management Development tərəfindən uzunmüddətli və çox tərəfli qiymətləndirməsi nəticəsində alınmış nüfuzlu avropa EQUİS (European Quality İmprovement System) akkreditasiyası vardır, bu da onu London Business School, Fontenbloda İNSEAD, Lozannada İMD kimi dünya liderləri ilə bir sıraya qoyur.

Polşa-Yapon İnformasiya Texnologiyaları Universiteti 1994-cü ildə Polşa və Yaponiya hökumətləri arasında 1993-ci ildə imzalanmış Sazişi həyata keçirən İnformasiya Texnologiyaları İnkişaf  Fondu tərəfindən yaradılıb. Universitet nüfuzlu reytinqlərdə lider yerini tutur, tələbələr, işəgötürənlər və media tərəfindən yüksək qiymətləndirilir.

Universitetin tələbələri universitetin əla və müasir elmi-texniki bazasından, son texnologiya ilə təchiz olunmuş laboratoriyalardan istifadə edir, bir çox görüş, sərgi və konfranslarda iştirak edirlər. PYKTU tələbələrin tədqiqat və maraqlarına dəstək verir. Universitetdə təhsil gələcəkdə maraqlı və yüksək ödənişli iş təmin edir.

Anjey Frıç Modjevski adına Krakov Akademiyası tələbələrinə yüksək təhsil səviyyəsi təklif edən 21-ci əsrin uğurlu təhsil müəssisəsidir. Tədris 17 min tələbənin təhsil aldığı onlarla sahələrdə aparılır. Akademiyada tədris ingilis dilində,  xüsusilə beynəlxalq biznes və beynəlxalq turizm sahəsində doqquz fakültə, 26 istiqamətdə və 62 ixtisas üzrə aparılır.

Akademiya  yalnız Avropa ilə deyil, həmçinin Tayvan və Mərakeş ali təhsil  tərəfdaş müəssisələri ilə əməkdaşlıq edir. Multimedia mühazirə zalları, müasir laboratoriya və emalatxanalar, gözəl professor və müəllimlər, ixtisasların geniş seçimi, maraqlı insanlarla tanışlıq imkanı Akademiyada təhsil illərini unudulmaz edəcək.

1364-cü ildə yaradılmış Yagelon Universiteti artıq 650 ildən çox Krakovun həyatının ayrılmaz hissəsidir. Beynəlxalq arenada Universitetin dəyəri 15-ci  əsrə aiddir, həmin zamanlar tələbə əhalisinin 44% xaricdən gəlirdi. Universitetin, demək olar ki, hər bir fakültəsi Elm və Ali Təhsil Nazirliyinin rəsmi reytinqində ən yüksək – birinci kateqoriya almışdır.Universitetin aspirant və tədqiqatçıları hər il elmi kəşvlər üçün Polşa Elm Fondunun nüfuzlu qrantlarının 10%-i alırlar. Yagelon Universitetinin müəllimləri tez-tez Avropa tədqiqat proqramlarının qrantlarını alırlar. Universitetdə təxminən 46 000 qeydiyyatdan keçmiş tələbə, 3657 akademik müəllim və təxminən 500 professor var. Universitet  ixtisas üzrə peşə təhsili verir. Son bir neçə il ərzində Yagelon Universiteti Polşada ən yaxşı universitetlər reytinqində əsas yer tutur. Universitetin verdiyi dərəcələr bütün dünyada tanınır.

1816-cı ildə təsis edilən Varşava Milli Universiteti, humanitar, dəqiq və təbii elmlər daxilində 80-dən çox sahədə ixtisaslaşmalar və tədqiqatlar təklif edən Polşanın ali təhsil müəssisədir.

2010 və 2011 - ci illərdə Varşava Universiteti dövlət ali məktəbləri arasında “Perspektivlər” “Rzeczpospolita” nəşrləri tərəfindən aparılan reytinqdə birinci yeri tutub.

Varşava Universiteti yüksək keyfiyyətli təhsil, dünya tədqiqat standartlarına uyğun müasir tədqiqat proqramları təklif edir. Universitet bir çox müəssisələrlə və şirkətlərlə əməkdaşlıq edir, əmək bazarında məzunlara kömək edir. Bir çox tanınmış xarici təhsil müəssisəsi ilə davamlı əməkdaşlıq Varşava Universitetinin beynəlxalq əhəmiyyətini gücləndirir. Dünyanın 51 ölkəsindən 170-dən çox universitet Avropa birliyi “Erasmus” proqramı çərçivəsində ikitərəfli sazişlər və 350-dən çox tərəfdaşlar sayəsində Varşava Universiteti ilə əməkdaşlıq edir.

Universitet 1906-cı ildə yaradılıb və Polşada ən qədim iqtisadiyyat və idarəetmə dövlət universitetlərindən biridir. Ənənəvi olaraq, Varşava İqtisadiyyat Universiteti iqtisadiyyat və idarəetmə sahəsində elmi araşdırmalar mərkəzi idi.

Varşava İqtisadiyyat Universiteti CEMS-nin –the Global Alliance in Management Education – üzvü olan yeganə Polşa ali təhsil məktəbidir. Bu təşkilat biznes sahəsində ixtisaslaşan 27 aparıcı ali təhsil müəssisəsi və 60 beynəlxalq şirkət tərəfindən yaradılmışdır. Bu təşkilatın məqsədi gələcək liderlərin yetişdirilməsi və inkişafıdır. Varşava İqtisadiyyat Universiteti Şərqi və Orta Avropada biznes sahəsində ixtisaslaşan aparıcı ali təhsil müəssisəsidir.

Varşava Politexnik Universiteti Polşanın ən böyük və ən qədim texniki ali təhsil məktəblərinin siyahısına daxildir, yaranma tarixi 19-cu əsrin əvvəlinə aiddir.

Hal- hazırda Polşada ən yaxşı texniki təhsil müəssisəsidir, burada 30 mindən çox tələbə təhsil alır. Onun yüksək təlim standartları, elmi-texniki bazası, məşhur Polşa nəşrlərinin şahidlik edən reytinqlərinə görə pedaqoji tərkibi vardır.

Politexnik Unuversitetinin  Milli Elm Mərkəzi, Təhsil Nazirliyi, Milli İnkişaf və Tədqiqatlar Mərkəzi, Elmi İttifaqlar Mərkəzi və  bunlar kimi başqa tərəfdaşlar ilə əməkdaşlıq edən 8 tədqiqat mərkəzi vardır. Görkəmli Polşa alimlərinin iştirakı ilə görüşlər, konfranslar keçirilir. Universitet bir çox dünya ölkələrinin, ABŞ, Kanada, Avstraliya, Çin, Yaponiya, Böyük Britaniya, Avstriya, Almaniya, İtaliya, Danimarka, Fransa, Misir, Finlandiya ali təhsil məktəblər-tərəfdaşlar arasında, tələbələrin təhsillərini davam etdirə , beynəlxalq konfranslarda, birgə elmi layihələrdə iştirak edə bilən beynəlxalq mübadilə proqramlarını həyata keçirir.

Krakovda Iqtisadiyyat Universiteti 1925-ci ildə öz ənənələri ilə əsası qoyulmuş  müasir ali təhsil müəssisəsidir. Krakov İqtisadiyyat Universiteti Polşanın ən yaxşı iqtisadiyyat ali təhsil məktəblərindəndir, böyük elmi-tədqiqat və təhsil mərkəzidir. Universitetin xarakterik xüsusiyyəti onun tədris fənnlərinin çoxluğudur.

İqtisadi elmlərdən başqa  sosiologiya, hüquq, tarix, fəlsəfə, kimya, biologiya, fizika, əmtəəşünaslıq, ekologiya kimi elmlər tədris edilir. Tədris zamanı tələbələrin xaricdə təcrübə və praktika keçmə imkanı var. Universitet dünyanın bir çox ölkələrinin ali təhsil müəssisələri ilə əməkdaşlıq edir. Tələbələrimizin  iki diplom - Krakov İqtisadiyyat Universiteti və Fransız, İspan, Alman və  Ukrayna xarici tərəfdaş universitetlərin diplomlarını alma imkanı vardır. 

Krakov Texniki Universitet 60 ildən artıq uğurla mühəndislər yetişdirir.  Bizim universiteti bitirən məzunların sayı 62 000-dən çoxdur. Məzunları yüksək peşəkarlığına görə həvəslə işə qəbul edənlərin qiymətləndirilməsinə uyğun olaraq 2008-ci ilin mayında Newsweek Poland jurnalı KTU-ni Polşada ən yaxşı universitet kimi qiymətləndirmişdir. 2010-cu ilin oktyabrında bizim üstünlüyümüz “ işəgötürənlər üçün dost universitet” fəxri adı ilə təstiqlənmişdir. Bu, Krakov Texniki Universitetinin bazarın tələblərinə cavab verən cəlbedici yüksək keyfiyyətli fərdi tədris proqramlarının təklif edilməsinin sübutudur. Bizim məzunlar dövlət və özəl şirkətlərdə, milli və beynəlxalq müəssisələrdə, milli və regional dövlət idarəçilik təşkilatlarında, layihə bürolarında, həmçinin universitetlərdə və elmi-tədqiqat institutlarında iş tapırlar.

Staşitsa adına Krakov Mədən və Metallurgiya Akademiyası Polşanın ən yaxşı və ən nüfuzlu müasir dövlət ali təhsil müəssisələrindən biridir. Dövlət texniki universitetlərinin reytinqinə görə Akademiya bir çox illər ərzində lider mövqeyini qoruyub saxlayır. Akademiya yüksək beynəlxalq səviyyəsində müasir texnologiyalar sahəsində aparıcı təhsil müəssisəsidir. Akademiyanın məşhurluğu onun gədim və zəngin ənənələrilə izah olunur. 90 ildən çox mövcudluğundan başlayaraq  Akademiya Polşada ən çox tələb olunan peşələr üçün mühəndis ixtisasçılarını hazırlayır.

16 fakültə və 13 xarici təhsil mərkəzlərinin əyani və qiyabi şöbələrində 36 000-ə yaxın tələbə hazırlanır. Tələbələr 51 fənn və 200-dən çox ixtisasdan bilik alır. Müasir texniki ali təhsil məzunlarına daha çox intelektual potensial verir. Dağ-mədən və metallurgiya ilə bağlı əsas fakültələrdən başqa, akademiya telekommunikasiya, avtomatika, robototexnika, yeni materiallar, texniki fizika, tətbiqi riyaziyyat ilə bağlı fakültələrdə təhsil təklif edir.

Lodz Universiteti 1945-ci ildə yaranmışdır. O, Polşanın aparıcı universitetlərindən biridir. Lodz Universitetin tələbələri 70-dən çox müxtəlif ölkənin vətəndaşıdır. Bu gün Universitetdə 45 000 tələbə təhsil alır. Universitet xüsusilə idarəetmə, hüquq, beynəlxalq münasibətlər və iqtisadiyyat kimi sahələrdə fərqlənir.

Birbaşa mobillik Proqramı (Direct Mobility Proqram) Lodz Universitetinin bakalavr və magistr pilləsinin xarici tələbələrinə ünvanlanmış layihəsidir. Proqram çərçivəsində tələbə Universitetdə bir semestr ödənişsiz təhsil ala bilər (ingilis, rus və polyak dillərində).

Rus dilli tələbələrə Lodz Universiteti politologiyada “Siyasət İdarəçiliyi” ixtisaslaşması üzrə magistr dərəcəsinin tamamilə rus dilində almasını təklif edir (əyani şöbədə).

Lodz texniki universiteti 1945 ildə yaranmışdır (3 fakültə - mexanika,  elektromexanika və kimya). Şəhərin inkişafı, yeni fabriklərin yaranması ilə fakültələrin sayı 3-dən 9-dək artmışdır. Bu gün universitetin tərkibində 9 fakültə, 70 kafedra və 120 ixtisas var. 1992-ci ildə ingilis və rus dilli beynəlxalq mühəndislik fakültəsi açılmışdır. Lodz Texniki Universitetində aşağıdaki elmi dərəcələr almaq mümkündür: humanitar elmlər bakalavrı, elmlər bakalavrı, elmlər magistrı və elmlər namizədi. 20 minə yaxın tələbə Universitetdə təhsil alır. 2002-ci ildə böyük kompyuterləşdirilmiş kitabxana açılmışdır. Universitetin sahəsində 9 yataqxana, yeməkxana, kinoteatr, “Jak” tələbə radiosu, 2 bank filialı, səyahətlər bürosu və s. vardır.  Şübhəsiz ki, hər bir tələbə özünün inkişafı,təhsili və istirahəti üçün bütün lazımi şəraiti tapa bilər.

Vrotslav Universiteti Uniwersytet Wroclawski Polşada Vrotslavda Aşağı Sileziyada (1945-ci ilədək Breslau) ən böyük dövlət ali təhsil müəssisəsidir. O, 300 ildən artıq zəngin, maraqlı tarixi və ənənələri ilə Orta və Şərqi Avropada ən qədim universitetlərdən biridir.

Bu gün o, 37000 tələbə və aspirantın təhsil aldığı 12 fakültə, 70 ixtisas və istiqamət təklif edən  müasir universitetdir. Müəllim və elmi işçilərin sayı 3390 nəfərdir.

Vrotslavda Dövlət İqtisadiyyat Universiteti iqtisadiyyat sahəsində müxtəlif istiqamətlərdə 17000-nə yaxın tələbənin təhsil aldığı aparıcı ali təhsil müəssisələrindən biridir. Bu gün universitetdə 17000-ə yaxın tələbə 780 elmi əməkdaş (həmçinin 126 professor) tərəfindən tədris alır. Ali təhsil müəssisəsi tələbələrin, seçilmiş sahələrdə gələcək mütəxəssisslərin biliklərini müvəffəqiyyətlə inkişaf etdirir. Universitetin elmi və tədqiqat fəaliyyəti mərkəzi olduğundan o, tələbələrə onların biznes tərəfdaşları ilə təcrübə keçməkdə uğurla kömək edir. Universitet mühasibat və audit, loqistika, kiçik və orta biznesin idarəçiliyi, maliyyə idarəçiliyi, maliyyə bazarları, kimyəvi məhsulların mühəndisliyi, idarəetmə, innovasiyalar, investisiyalar və daşınmaz əmlak, kommunikasiya və marketinq və başqalari kimi qırxdan çox ixtisas təklif edir.

Vrotslav Politexnika, Poltechnika Wroclawska ən böyük və ən yaxşı Polşa texniki universitetlərin siyahısına daxildir, 1945-ci ildə yaranmışdır. Bu gün Vrotslavska Politexnika Aşağı Sileziyanın qabağcıl şirkətləri ilə sıx əlaqədə olaraq məşhur Polşa universitetlərinin ənənələrini davam etdirir. Vrotslav Politexnik Universiteti ölkədə ən böyük və ən yaxşı politexnik universitetlərindən biridir, milli reytinqdə ikinci/üçüncü yer tutur.

2000 müəllimin rəhbərliyi altında 30 000 yaxın tələbə 12 fakültə, 24 istiqamətdə təhsil alır, müasir iqtisadiyyatın bütün sahələri üçün mütəxəssis hazırlayır. Tədris sistemi beynəlxalq standartlara, bolonya sisteminə uyğun keçirilir.

Vrotslav Politetexnika Universiteti aşağıdakılara diqqət yetirir:

Gələcəyin traektoriyasını dəyişən yaradıcılıq

Texnosferin fəaliyyətini müəyyən edən peşəkarlıq və sərt bacarıqlar

Hərəkətin təsirini artıran və məqsədlərə nail olmanı daha asan edən ətraf mühit və xarici tərəfdaşlarla əməkdaşlıq.

Tədris proqramları nanotexnologiya, biotexnologiya, telekommunikasiya, teleinformatika və məlumat sistemlıəri kimi yeni texnologiyaların elmi tədqiqatı ilə bağlıdır.

Vistula Maliyyə və Biznes Akademiyası bir çox göstəricilərə görə Polşada ən yaxşı ali təhsil müəssisələrindən biridir.

Akademiya 1996-cı ildə Varşavada İqtisadiyyat və İnformatika Ali məktəbi kimi yaradılıb, 2014-cü ildə isə Vistula Akademiyası adı almışdır.

Bu təhsil müəssisəsi nadir beynəlxalq atmosferinə görə 26 ölkədən və 4 qitədən gələn tələbələrlə fəxr edir.

2011-ci ildə “Wprost”reytinqində Akademiya Polşanın ən yaxşı milli təhsil müəssisələrindən birinə çevrilərək fəxri 8-ci yeri tutmuşdur.  Akademiya müasir biliyi olan, həm beynəlxalq həm də regional iş bazarında işə götürənlərin tələblərinə cavab verən yüksək ixtisaslı mütəxəssislər hazırladığı üçün Ambasadora Polskiej Nauki adını və “Uczelnia Liderow” (“Liderlər Məktəbi”) nüfuzlu sertifikatını almışdır.

Collegium Civitas 1997 ildə Polşa Elmlər Akademiyasının beş elmi-tədqiqat institutu əsasında yaranmışdır.

Təhsil proqramları ali təhsilin son yanaşma və tələblərinə uyğun olaraq tərtib edilir. Bu, təhsilin fənnlərarası təbiəti, müəllim və tələbə arasında sıx əlaqələri, bir və ya iki semestri xarici ali təhsil məktəblərində keçirilməsi, təcrübənin beynəlxalq müəssisələrdə və elmi-tədqiqat işlərinin məşhur alimlərin rəhbərliyi altında aparılması deməkdir.

Mariya Skladovskaya-Küri adına Universitet abituriyentlərə tədris, praktika və diplomdan sonrakı təhsildə maraqlı təkliflər verən Varşavanın ilk özəl ali təhsil müəssisələrindən biridir. Varşavanın Mariya Skladovskaya-Küri adına Universitetinin müəllimləri görkəmli professorlar, bir çox elm sahələrinin yüksək ixtisaslı mütəxəssisləri, tanınmış praktiki işçilər və qlobal biznes liderləridir. Elmi-didaktik kadrlar universitetin qürurudur. Universitetdə gənclərin və təcrübənin harmonik birləşməsi mühiti var. Tələbələrin xidmətində internetə daim giriş imkanı olan böyük kompyuter zalları, müasir texniki avadanlıq, böyük kitabxana,  kafe  vardır. Universitetdə  ingilis, rus, alman, italyan, ispan dillərinə mükəmməl yiyəylənmək üçün xarici dillər Mərkəzi fəaliyyət göstərir. 

Maliyyə və İdarəetmə Universiteti iqtisadi, humanitar və hüquq elmləri sahəsində aşağıdakı təhsil və ixtisas səviyyələrində təhsil fəaliyyətini yerinə yetirir: bakalavr, magistr və doktorantura.

Ali təhsil məktəbi abituriyentlərə geniş ixtisas  seçimi təklif edir və yüksək ixtisaslı ımüəllim heyəti ilə müasir Avropa standartlarına cavab verən yüksək səviyyəli təhsil verir.

Universitet İnternetə daima daxil olma imkanı olan ən müasir texniki vasitələrlə avadanlaşdırılmış auditoriya, laboratoriya və müasir kompyuter zalları ilə təchiz olunub. Universitetdə çox sayda müxtəlif ədəbiyyatlı oxu zalı olan kitabxana fəaliyyət göstərir. Müəssisənin ərazisində kafe, üzgüçülük hovuzu vardır.

Kommersiya Texniki Unversitetinin məqsədi tələbələrə ali təhsilli  şəxslərə məxsus olan şəxsi keyfiyyətlərini inkişaf etdirmək, beynəlxalq əlaqələrin ümumi məlumatlarını əldə etmək və xaricdə malların mübadiləsi ilə bağlı xüsusi biliklər verməkdir. Tədris prosesinin müvafiq təşkilatı, tədris planının optimallaşdırılması, yüksək pedaqoji səviyyəli müəllimlərin seçilməsi və təlim üçün əlverişli şəraitin təmin edilməsi ilə Universitet öz təhsil vəzifəsini uğurla yerinə yetirir.

Sosial Psixologiya və Humanitar Elmlər Universiteti 1966-cı ildən etibarən keyfiyyətli təhsil verən Polşada ən əhəmiyyətli və ən məşhur ali təhsil müəssisələrindən biridir. Onun əsas filialı Varşavada, qalanları isə Poznan, Vroclav, Katovice və Sopotdadır.

Yüksək keyfiyyətli və təcrübəli professor-müəllim heyəti universitetin ən böyük aktivlərindən sayılır. Universitetdə 80 professor, 54 dosent və 195 elmlər namizədi çalışır. Tələbələr Avropa Birliyinin müxtəlif yardımlarından maliyyələşdirilən bir çox elmi-tədqiqat layihələrində daima iştirak edirlər.

İdarəetmə Universiteti Varşavanın ən böyük ali təhsil müəssisələrindən biridir.

Tədris bakalavr və magistr təhsil və ixtisas səviyyəsinə uyğun olaraq aşağıdakı formalarda aparılır: əyani, axşam və qiyabi. Universitetin böyük auditoriyaları, ən son texniki vasitələrlə təchiz edilmiş kompyuter zalları, böyük kitabxana, yataqxana və kafesi vardır. Universitetin diplomlarının 100-dən çox ölkələrdə tanınan Britaniya BTEK (Business & Technology Education Council) akkreditasiyası var. Tədris zamanı tələbələr aşağıdakı kateqoriyalara sahib ola bilərlər: HNC-Higher National Certifica və HND-Higher National Diploma.

Bu kateqoriyaların mövcudluğu dünyada, xüsusilə Avropa Birliyi ölkələrində iş məşğulluq imkanını asanlaşdırır. HNC 1-illik, HND 1və 2 illik Avropa ali təhsil müəssisələrində təhsilə bərabərdir.

İnformasiya Texnologiyaları və İdarəetmə Universiteti Polşa Elmlər Akademiyası tərəfindən yaradılıb. Universitetin əsas vəzifəsi informasiya texnologiyaları sahəsində yüksək ixtisaslı kadrlarının hazırlanmasıdır. Tədris prosesi tərkibində Polşa Elmlər Akademiyasının, PEA Sistem Tədqiqatları İnstitutunun  tanınmış elmi işçiləri olan yüksək ixtisaslı pedaqoji kolleltivi tərəfindən təmin olunur. Universitet ERASMUS, LEONARDO DA VİNCİ, JEAN MONNET kimi  məşhur beynəlxalq tələbə mübadiləsi proqramları üzvüdür və bunların çərçivəsində tələbələrin öz təhsillərini davam etdirmək, Avropa Birliyi ölkələri ali təhsil müəssisələrində təcrübə keçmək imkanları vardır.

Varşavada 17 il mövcud olan Ekologiya və İdarəçilik Universiteti Polşada ən yaxşı özəl texniki və  bədii təhsil müəssisələrindən sayılir. Universitet Polşa və Avropa tədris standartlarına cavab verir və 300-ə yaxın yüksək təlim keçmiş elmi müəllim heyyəti, geniş texniki bazasina görə (laboratoriyalar və kabinetlər) tələbələr tərəfindən yüksək qiymətləndirilir. Universitetin dinamik inkişafı,  tələbələrin aldığı tədrisin yüksək səviyyəsi və biliyin fənnlərarası təbiəti bir çox sahələrdən işə götürənlər və mütəxəssislər arasında qiymətləndirilir, bunun nəticəsində Universitet 2012 ildə Avropa Medalı almışdır.

2000-ci ildə Varşavada Kosmetologiya və Sağlamlıq Universiteti Milli Təhsil və İdman Nazirliyinin qərarı ilə Polşada ilk olaraq fəaliyyətə başladı. Universitetdə tədris yüksək peşəkarlıq hazirlığı, eləcə də müasir kosmetologiya, biotexnologiya və sağlamlıq sahəsində dərin bilik əldə etmək imkanı verir.

Universitetin vəzifəsi məzunların müsbət fərqlənmə və xüsusilə Avropa əmək bazarında tələb olunan yüksək tədris səviyyəsini təmin etməkdir.

Universitet həm yeniliklər, həm də beynəlxalq standartlara uyğun qeyri-adi müəlliflik təhsil proqramı həyata keçirir.

Moda və Dizayn Universiteti Polşada beynəlxalq moda və dizayn tədrisinin yeni universitetidir.

Təhsil müəssisəsi Polşa moda sənayesində peşəkarların dinamik inkişafının  tələblərinə cavab olaraq yaradılmışdır. Moda Universiteti modanın bütün aspektlərini əhatə edən Polşa bazarında yeganə universitetdir.

VİAMODA İNDUSTRİAL moda biznes sahəsində praktiki bacarıqlar əldə etmək üçün tələbələrə əla şərait yaradır: modellərin dizayn və yaradılması, moda sahəsində idarəçilik, eləcə də moda sənayesində müasir texnoloji, kommunikativ biznes strategiyalarının hazırlanması və həyata keçirilməsi. Moda təhsilində dizayn, texnologiya və idarəçilik yeni istiqamətlərdir.

Təhsilin bütün üç sahəsini birləşdirən vahid (kompleks) yanaşma əmək bazarında yüksək tələb olunan sənaye dizayn mütəxəssisləri hazırlamağa imkan verir.

Ali təhsil müəssisəsi abituriyentlərə filologiya və pedaqogika üzrə ixtisaslar təklif edir: ingilis, alman, rus, ispan dilləri, pedaqogika (qeyri-sosial, məktəbəqədər təhsil, əmək bazarında təhsil, asılılığın profilaktika və müalicəsi, fəal terapiyası və düzəliş (korreksiya) gimnastikası). Hal-hazırda ali təhsil məktəblərində xaricilər daxil olmaqla 3000 çox tələbə təhsil alır. Universitetdə tələbələrə işə düzəlmə, tələbə təcrübə sahəsində təkliflərin tapılmasında kömək göstərən “Təhsil və Karyera Mərkəzi” fəaliyyət göstərir. Universitet”Erasmuss” beynəlxalq mübadilə proqramının üzvüdür və digər Avropa ölkələri, xüsusilə Slovakiya, Rusiya, Belçika, İspaniya, Almaniya ali təhsil müəssisələri ilə əməkdaşlıq edir. Bunun sayəsində tələbələrin təhsillərini, tədris praktikalarını və təcrübələrini xaricdə davam etdirmək imkanı vardır.

Lodz Tibb Universiteti Polşanın ən böyük dövlət tibb universitetidir.

Bu elmi-pedaqoji müəssisədə peşəkarlığı zamanın tələblərinə cavab verən müasir professional tibb işçilərinin fasiləsiz hazırlıq prosesi davam edir.

Tədris prosesi səhiyyənin müxtəlif sahələrində özlərini doğruldan ixtisasçılar hazırlığına yönəldilib.

Tədris metodikası Avropa İttifaqı ilə əməkdaşlıq çərçivəsində Polşa höküməti tərəfindən təstiqlənmiş tələblərə uyğunlaşdırılıb. 2004- cü il mayın 1-dən Polşanın Avropa İttifaqına daxil olduğundan Universitetin diplomu bütün Avropa İttifaqı ölkələrində tanınır.

8000-dən artıq tələbə müxtəlif tibbi və tibb elmi ilə bağlı istiqamətlərdə təhsil alır.

Lüblinda Vintsent Pol adına İctimai və Təbii Elmlər Universiteti Milli Təhsil Nazirinin 12 iyul 2000-ci il tarixli qərarı əsasında fəaliyyət göstərən ali təhsil müəssisəsidir.

Universitet öz peşə məqsədini və maraqlarını həyata keçirmək istəyənlər haqqında düşünərək  yaradılıb. Universitet üç təhsil səviyyəsində bakalavr, magistr və aspirantura, əyani və qiyabi şöbələrdə tədris aparır. Dərslər Polşanın ən müasir elmi obyektlərindən birində keçirilir.

Mariya Skladovskaya – Küri Universiteti Şərqi Polşanın ən böyük dövlət universitetidir, müxtəlif mədəniyyətlər və ənənələrə malik olan Lüblin şəhərində yerləşmişdir.

Universitet 11 fakültədə nadir və  geniş ixtisaslar təklif edir.

Mariya Skladovskaya – Küri Universiteti dəqiq elmlər sahəsində güclü mövqe tutur, təbii elmlər, riyaziyyat, informatikaya böyük tələb vardır. Humanitar elmlər, neofilologiya, jurnalistika  kimi elm sahəhələrində bizim Universitet tək Lüblində deyil, bütün Polşanın elm və təhsil xəritəsində qabaqcıl yer tutur. Universitet yüksək ixtisaslı hüquqşünas və iqtisadçılar deyil, həmçinin  yaradıcı peşə nümayəndələri də hazırlayır. Universitetimizin beynəlxalq səviyyəyə çıxarılmasına, elmi əməkdaşların və tələbələrin xarici tərəfdaşlarla mübadiləsinin gücləndirilməsinə imkan verəcək kompleks qərarlar həyata keçiririk, həmçinin dünyanın hər yerindən tanınmş alimlərin gəlməsinə imkan verən proqramlarda iştirak edirik.

Lüblin Politexnik Universiteti Lüblində beş dövlət təhsil müəssisələrindən biridir, lakin texniki profilli yeganə ali təhsil məktəbidir. Universitetin cəlbediciliyi əsasən yüksək səviyyəli və müasir təhsil təklifi ilə özünü göstərir. Lüblin Politexnik Universiteti birinci elm dərəcəli təhsil proqramları -bakalavr, mühəndis səviyyəsi, magistr, doktorontura təklif edir. Lüblin Politexnik Universiteti yarandığı gündən etibarən  mühəndislər hazırlayır və elmi araşdırmalar aparır. Təhsil müəssisələrində aparılan elmi tədqiqatların əsas istiqaməti, həm konstruksiya və texnologiyaların inkişafı, ətraf mühitin  mühafizəsi, həm də material və enerji qənaətilə bağlıdır.

Bu gün Politexnik Universiteti 6 fakültə, 16 sahə və 50-dən çox ixtisasdan ibarətdir.

Qdın Dəniz Akademiyası 1920-ci ildə yaranmış Polşada ən böyük dövlət dəniz ali təhsil müəssisəsidir və Avropada ən böyük ali təhsil müəssisələrindən biridir. Bu gün tələbələr 4 fakültədə təhsil ala bilər: naviqasiya, mexanika, elektrik mühəndisliyi, sahibkarlıq və əmtəəşünaslıq. Avropa Universitetlər Assosiasiyası (EUA) və Beynəlxalq dəniz universitetləri assosiassyası (İAMU) kimi18 dəniz ali təhsil müəssisələrilə beynəlxalq təşkilatlar çərçivəsində əməkdaşlıq aparılır. Akademiya geniş auditoriyalar, audio və video avadanlıqlar, dəniz elektrik simulyatorları , radionaviqasiya və naviqasiya manevr trenajorları olan kompyuter laboratoriyaları ilə təchiz olunmuşdur.

Krakovda Milli Təhsil Komissiyası adına Dövlət Pedaqoji Universiteti Polşada birinci və yeganə pedaqoji universitetdir. O, 68 illik ənənələrə malik olan ən yaxşı ali təhsil müəssisələrindən biridir. Krakov Pedaqoji Universiteti tələbələrə elmin bütün sahələrində - bədii, humanitar, texniki, pedaqoji, sosial və təbii elmlər - ən yeni nailiyyətlər təklif edir.

Varşavada Lazarski Universiteti Polşanın ən qədim qeyri-dövlət, iqtisadiyyat və hüquq sahəsində aparıcı universitetlərindən biridir. Ali təhsil müəssisəsi 1993-cü ildə fəaliyyətinə başlamışdır. Lazarski Universiteti University of Wales tam akkreditasiyasına malik olan Polşada yeganə universitetdir, bu səbəbdən ingilis dilli proqram məzunları iki diplom alır: University of Wales diplomu və Lazarski Universiteti diplomu. Universitetdə 30 ölkədən 4000-dən çox tələbə təhsil alır. Bu ali təhsil məktəbinin məzunları işə götürənlər arasında böyük nüfuza malikdir.

Varşavada Kənd Təsərrüfatı Universiteti (SGGW) ali təhsil müəssisələrinin təbii elmlər reytinqində birinci yer tutur və Polşanın ən yaxşı dövlət universitetlərinin onluğuna daxildir. Ali təhsil müəssisəsi 23 sentyabr 1816 ildə təsis edilib. Burada aspirantlar və diplomdan sonra daxil olmaqla 27000-dən çox tələbə təhsil alır və 340 professor daxil olmaqla təxminən 1200 müəllimdən ibarət heyyət çalışır. SGGW 250 xarici ali təhsil məktəbi və 50 ölkənin elmi müəssisələri ilə əməkdaşlıq edir. Varşava Kənd Təsərrüfatı Universitetində müasir tələbə şəhərciyi var, burada həm təhsil alma, həm də tədris və tədqiqat üçün gözəl şərait var. Universitet bioloji və texniki, baytarlıq, iqtisadiyyat və humanitar sahələrdən geniş çeşidli fənnlər təklif edir. Bütün bunlar müasir cəmiyyətin inkişafi üçün qiymətlidir. Ali təhsil müəssisəsi European Universities Association (EUA), International Association of Universities (AİU), Association for European Life Science Universities (ICA), Euroleague for Life Sciences (ELLS) və başqaları kimi nüfuzlu beynəlxalq təşkilatların üzvüdür.

Vrotslavda Beynəlxalq Loqistika və Nəqliyyat Universiteti 2001-ci ildə Vrotslav şəhərində Birləşmiş Logistika Mərkəzinin Yaradılması üzrə Assosiasiyasının təşəbbüsü ilə yaradılmışdır.

Beynəlxalq Logistika və Nəqliyyat Universitetini yaradarkən, universitetin vəzifəsi müasir logistika proseslərini idarə etməyə, birləşmiş Avropanın hərtərəfli inteqrasiyası şəraitində işləməyə hazır olan menecerləri hazırlamaqdır.

Bir çox strateji tərəfdaşları ilə əməkdaşlıq sayəsində Universitetin tədris proqramı logistika, nəqliyyat və ekspedisiya sahəsində bilik və bacarıqların Avropa səviyyəsində verilməsinə zəmanət verir. Ali təhsil məktəbinin beynəlxalq profili, logistika, nəqliyyat və ekspedisiya sahələrindən çoxsaylı tərəfdaşlar dəvət olunmuş yerli və xarici aparıcı mütəxəssislərin mühazirələrini, həmçinin əlavə kursları təşkil edərək, “açıq tədris” prinsipinin həyata keçirilməsinə imkan verir. Bütün bunlar nəzəri təhsil prosesini tamamlayır, tələbələrə biliklərini genişləndirməyə imkan yaradır və gələcək peşələrinin anlayışını  reallıqla müqayisə etməyə imkan verir. Fransız, ingilis və ya alman dili bilikləri yüksək səviyyədə olan tələbələr xarici firma və şirkətlərdə təcrübə keçməyə müraciət edə  bilərlər. Universitetdə bir sıra ixtisaslar təklif edən bir fakültəli qurum var (logistika və nəqliyyat fakültəsi).

Krakov İbtidai Elmlər Akademiyası Polşada ali təhsil müəssisələrindən biridir. Akademiyada bakalavr və  magistr pillələrində təhsil, ixtisası artırma və MBA elit biznes istiqamətində təhsil almaq mümkündür. Bundan başqa təhsil müəssəsində doktoranturada da təhsil almaq olar. Akademiyada 500-dən artıq alim çalışır. Onların arasında elm dünyasında məşhur fəxri professorlar, məşhur Polşa və xarici ali təhsil müəssisələrinin elmi-pedaqoji kadrları var.

İctimai Elmlər Akademiyası istəklərini  gələcək iş maraqları ilə birləşdirmək istəyən insanlara yönlənmiş ali təhsil müəssisəsidir. İEA – nın ali məqsədi tələbələrə təhsillərini bitirdikdən sonra maraqlı iş təklifi edən şirkətlərin böyük sayi ilə əməkdaşlıqdır.

Varşavada İdman Təhsil Universiteti bədən tərbiyyəsi və idman sahəsində ixtisaslaşan ən yaxşı qeyri-dövlət ali təhsil müəssisələrindən biridir. Gələcəkdə tələbəyə əmək bazarında rəqabətə qarşı durmağa, özünün idman karyerasının inkişafına kömək edən bir çox praktiki dərslərdən, təlim təcrübəsi təkliflərindən, idman ixtisaslaşmasından ibarət olan tədris müasir müəlliflik proqramı üzrə keçiilirr.

Universitetin nəzdində üzgüçülük, fitnes, güləş, velosiped turizmi, pilates, voleybol, futbol, basketbol, boks, yoqa, gimnastika, snoubord və s. idman növləri təklif edən “Kurslar mərkəzi” fəaliyyət göstərir. Bunun sayəsində tələbələr məşqçi fəaliyyətini yerinə yetirmək üçün əlavə səlahiyyətlər əldə edə bilərlər, bu isə məşqulluq imkanlarını əhəmiyyətli dərəcədə genişləndirir.

Universitet hazırlayır:

Bədən tərbiyyəsi müəllimləri

Şəxsi təlimçilər

Müxtəlif idman növləri və aktiv (açıq hava) istirahət təlimçiləri

İdman menecerləri

İdman pəhrizi

Lodz şəhərində  Humanitar və İqtisadiyyat Akademiyası 1993-cü ildə yaradılmış müasir texnologiyalar ali təhsil müəssisəsidir. Tələbələrə istiqamətlər və ixtisasların geniş seçimini təklif edən Polşada ən böyük qeyri- dövlət ali təhsil məktəbidir. Tələbələrin təhsili iş bazarında tələb olunan onlarla ixtisaslaşma təklifi çərçivəsində 11 fakültədə aparılır.

Bütün sahələrdə E-learning uzaqdan öyrənmə platformasından istifadə etməklə həm əyani, həm də qiyabi təhsil almaq mümkündür. 

Tələbələrin elektron  kitabxanadan, dərsliklərdən, məsələlər toplusundan və multimedia tapşırıqlarından istifadə etmək imkanı vardır. Tələbə və müəllimlərin xidmətinə onlarla avadanlaşdırılmış auditoriya, kompyuter və multimedia laboratoriyalar, radiostudiya, telestudiya, elmi laboratoriyalar və sərgi qalereyaları, yeməkxana, həmçinin Lodz  qeyri-dövlət ali təhsil müəssisələrinin arasında ən böyük pulsuz girişli kitabxana verilmişdir. Hər bir Akademiya tələbə Erasmus proqramında iştirak edə bilər.

İoan Pavel adına Lüblin Katolik Universiteti Polşada ən qədim universitetlərdən biridir. Təxminən100 illik mövcudluğu müddətində o, həm Polşada həm də xaricdə geniş tanınmışdır.

Universitetin məqsədi tələbəri yaş, təhsil,yaşayış yeri və vətəndaşlıqından asılı olmayaraq, yüksək təhsil xidmətlərilə təmin etməkdir. Universitetin təklifi başqa müəssisə və xarici uinversitetlərlə əməkdaşlıqda mühazirə, seminar, kurs və təhsil proqramlarının  keçirilməsidir.

Lüblin Katolik Universiteti təhsilin I səviyyəsi (bakalavr/lisenziyalı və mühəndislik təhsili), II səviyyəsi (2 illik magistratura), tam 5 illik magistratura və III səviyyəsi (aspirantura) polyak və ingilis dillərində 9 fakültədə  təklif edir. Məşhur ixtisaslar idarəçilik, ingilis dili filologiyası, biotexnologiya, iqtisadiyyat, jurnalistika və ictimai əlaqələr, informatika, incəsənət tarixi, çin dili filologiyası, klassik filologiya, landşaft memarlığı, riyaziyyat, idarəetmə, beynəlxalq münasibətlər, musiqişünaslıq, alman dili filologiyası, pedaqogika, polyak dili filologiyası, hüquq, psixologiya, sosiologiyadır.

Vrotslav Dövlət Tibb Universiteti 1950-ci ildə yaradılan, uzun tarixi və ənənələrə malik müasir universitet, əhəmiyyətli elmi və təhsil tədqiqatları olan tibb mərkəzidir.

Tibb uneversitetinin vəzifəsi səhiyyə sistemində və əczaçılıq preparatları tibb işçilərinin yüksək ixtisaslı mütəxəssislər  hazırlığı, həmçinin insan sağlamlığı və həyatı naminə elm sahəsində innovativ tədqiqatların aparılmasıdır.

Tibb universitetinin tələbələri Erasmus  Beynəlxalq Avropa akademik mübadilə proqramında, müxtəlif seminar və konfranslarda iştirak edirlər.

Universitet  Skandinaviya, ABŞ, Kanada, Almaniya, Böyük Britaniya, Yunanıstan, Ukrayna, Fransa, Nigeriya, Cənubi Afrika və Səudiyyə Ərəbistanı kimi müxtəlif dünya ölkələrindən 5350-dən çox tələbə hazırlayır.

İctimai Elmlər Akademiyası milli əhəmiyyətli müasir ali təhsil müəssisəsidir.

Akademiya I və II dərəcədə, aspirant seminarları, diplomdan sonra hazırlıq və MBA sahəsində tədris aparır. Dərslər əyani və qiyabi formada keçirilir. Birlikdə 22 istiqamətdə hazırlıq təklif olunur. Çoxsaylı kurslar, açıq dərslər ( master klasslar)  və Tələbə Karyera Bürosu vasitəsilə həyata keçirilən tələbə təcrübə təklifləri əlavə olaraq keçirilir.

Təhsil müəssisənin üstünlüyü  Clark University (ABŞ) ilə sıx əməkdaşlıqdır, bunun sayəsində tələbələr polyak dilində təhsil almaq ilə bərabər Master amerikan diplomu da  ala bilər, xaricə təhsil almaq və təcrübə üçün qedə bilərlər. Akademiyada 500-dən çox müəllim çalışır.

Adam Mitskeviç adına Universiteti Poznan  şəhərində dövlət ali təhsil müəssisəsidir. Universitet 1919-cu ildə yaradılmışdır.

Universitetin struktur bölmələrinə dilçilik Kollegiyası, Tərcümə və linqvistika məktəbi, kitabxana, müvafiq elmi nəşriyyat və arxiv, idarəçilik şöbəsi, botanika bağı və s. daxildir. Gələcək tələbənin seçiminə bakalavr, magistr, doktorantura proqramları təhsilində15 bölmə, 200-ə  yaxın ixtisas təklif olunur. Bundan başqa onlar diplomdan sonra təhsil və dil kursları seçə bilərlər. Adam Mitskeviç adına  Universitetdə təhsilin üstünlüyü yüksək ixtisaslı müəllim kollektivi, multimədəniyyətli mühit, Polşada “ tələbələr şəhəri”adlanan gözəl şəhər, təhsili bitirdikdən sonra əla peşə perspektivləri, kampusların rahat yerləşməsi, çox saylı aktual istiqamət və ixtisaslaşma, elmi tədqiqatların keçirilməsi imkanı və başqa tələbəlik illərini unudulmaz və parlaq edən anlardan ibarətdir.

Şetsin Dəniz Akademiyası Dəniz və Daxili Gəmiçilik Nazirliyinin nəzdində dövlət texniki universitetidir. Bu dəniz universiteti 1947-ci ildən mövcud olan dəniz təhsililnin ənənələrini davam etdirir.

Universitetin ali məqsədi şturman  və mexaniklərı yüksək ixtisaslı mütəxəssislər kimi hazırlamasıdır, bu da müasir dəniz donanmasının tələblərinə cavab verir.

Akademiyanın məzunları dəniz  təhsilinin diplomunu əldə edə və dünyanın istənilən nöqtəsində zabit rütbəsində gəmidə çalışa bilərlər. Bundan başqa  Akademiyada keçirilən kurslar (həm dəniz, həm də qeyri-dəniz) Polşa Akkreditasiya Komitəsi tərəfindən yoxlanmış və müsbət qiymətləndirilmişdir.

Ali Təhsil müəssisəsi praktiki tədrisə yönəldilmişdir. Tələbələr təlim zamanı quruda və dənizdə təcrübə keçirlər.

Poznanda Logistika Universiteti, Polşada birinci logistika üzrə ali təhsil müəssisəsi, 2001-ci ildə yaranmışdır. Ali təhsil müəssisənin məqsədi tədrisin yüksək keyfiyyəti və praktiki təcrübəsidir.

Logistika Universitetinin tələbələri ixtisas üzrə təhsillə, logistika sahəsində işə praktiki hazırlıqla bağlı bütün üstünlükləri əldə edirlər. 

Vrotslavda Biznes Universiteti (Wyzsza Szkola Handlowa we Wroclawiu-WSH) 1997-ci ildə yaradılmış qeyri-dövlət biznes profilli ali təhsil müəssisəsidir. İqtisadiyyat və humanitar elmlər üzrə bakalavr və magistr pillələrində, eləcə də tədris proqramı biznes tərəfdaşları ilə birlikdə təşkil olunmuş MBA  daxil olmaqla aspiranturada təhsil təklif edir.

Vrotslavda Biznes Universitetində tədrisin əsasını təcrübə təşkil edir. Bu o, deməkdir ki, bütün ixtisaslar üzrə tədrisdə xüsusi diqqət öz işinin təşkilində və aparılmasında lazımi praktiki bacarıqların əldə edilməsinə yetirilir.

Onlar arasında sahibkarlıq, liderlik, komandada iş, qərar vermə, danışıqlar, təqdimat sənəti, xarici dillərin öyrənilməsi vardır. Universitet biznes tələbələrini real vəziyyətləri mühazirələr, praktiki dərslər və layihələr zamanı müzakirə edərək öyrədir.

Poznan Dövlət İqtisadi Universiteti Polşada ən qədim və ən nüfuzlu universitetlərdən biridir. Bu biznes liderlərinin, yüksək ixtisaslı  idarəçi kadrlarının və dövlət idarəçiliyi müəssisələrinin işçilərinin yetişdirilməsində ixtisaslaşan, 13 minlik elmi-tədqiqat mərkəzidir.

Təhsil müəssisəsi dünya səviyyəli təhsil proqramları təklif edir. Beynəlxalq iqtisadiyyat, informatika və elektron iqtisadiyyat, əmtəəşünaslıq və idarəçilik fakültələrində 60-dan çox istisas almaq olar.

Poznanda Otel və Restoran Biznesi Akademiyası, qeyri-dövlət ali təhsil müəssisəsi 1993-cü ildə yaranmışdır. Akademiyanın məqsədi bütün dünyada otel və restoran sahəsində  yüksək ixtisaslı işçilərin  turizm firmalarında, otellərdə və restoranlarda işə hazırlamaqdır. Professor və müəllim heyyətinin yüksək ixtisaslı kadrları yüksək səviyyəli təhsili təmin edir. Ən azı 3 xarici dil öyrənmək imkanı var. Təlim proqramının daima yenilənməsi ən son tendensiya və innovasiyalara müvafiq olan bilikləri təmin edir. Tədris proqramı nəzəri və praktiki hazırlığı nəzərdə tutur. O, təcrübə keçmək üçün Polşa və xaricdə yerlər təqdim edir. Erasmus tələbələrin mübadiləsi proqramı üzrə xaricdə təhsil almaq mümkündür.

Təhsili bitirdikdən sonra geniş işə düzəlmə seçimi var. Tez-tez tələbələrə turizm bürolarında, otellərdə, qastronomiya müəssisələrində, istirahət mərkəzlərində, həmçinin ictimai təşkilat və idarələrdə turizm və istirahətlə bağlı vəzifələrdə iş təklif olunur.

Akademiyanın məzunları həm nəzəri, həm də praktiki bilik sahəsində mütəxəssisdirlər.

İctimai Psixologiya Universitetinin filialı Poznanda 2010-ci  ildə açılmışdır. Universitet Excellence in Research HR loqotipi istifadə hüququna malik olan təhsi müəssisələrinin elit qrupuna daxildir. Bu Sertifikat Avropa Tədqiqatçıları Kartının və Elmi Fəaliyyət İşçilərinin işə qəbul davranış normalarının tələblərinin yerinə yetirilməsini təsdiqləyir.

Filialın açılma anından etibarən prosesin başlanğıcının müasir yanaşmasına xüsusi diqqət yetirilir. Müəllimlər tədrisin həm nəzəri, həm də praktiki tərəfinə böyük diqqət yetirir. Tədris istiqamətləri tələbələr arasında çox populyardır, proqramlar isə Polşa Ali Təhsil və Elm Nazirliyi tərəfindən müntəzəm olaraq mükafatlandırılır. Dizayn məktəbi School of Form Universitetin bir hissəsidir. O, gələcək tələbələri dizayner sahələrinin böyük seçimi ilə cəlb edir.

Vrotslavda İctimai Psixologiya Universitetinin filialı 15 il əvvəl açılmış və tez bir zamanda Polşada ən yaxşı elmi-tədqiqat mərkəzinə çevrilmişdir. 2010-cu ildə Elm və Ali Təhsil Nazirliyi Vrotslav filiallarına sosial elmlər sahəsində ən yaxşı təhsil müəssisəsi statusu vermişdir. 2013-cü ildə Polşada ən yaxşı elmi-tədqiqat mərkəzlərinə verilən nüfuzlu “A+” kattteqoriyası ilə mükafatlanmışdır. “Bu Elitan, ölkədə və dünyada Polşa elminin vizit kartıdır.”

SWPS HR Excellence in Research (Araşdırmalarda Mükəmməllik) loqosunu (loqotip) istifadə etmə hüququ olan təhsil müəssisilərinin elit qrupuna daxildir. Avropa Komissiyası bunu elm  sahəsində çalışanlar üçün ən yaxşı iş səraiti - onların işə götürülməsində görünən proses, sabit iş yeri, karyera inkişafı imkanı, tədqiqatda əsas və maliyyə yardımını  təmin edən təhsil müəssisələrinin fərqləndiricisi kimi tanıyır.

İctimai Psixologiya Universiteti tələbələrə Polşa və xaricdə beynəlxalq mühitdə iş təcrübəsi qazanma imkanı verir. Ali təhsil müəssisəsi müxtəlif ölkələrin universitetləri ilə əməkdaşlıq edir və xaricdə ən yaxşı yerlərdə təcrübə keçməyə, həmçinin ümumi diplom əldə etməyə imkan verir.

Universitet Erasmus+, Atlantis və Excellence in Mobility (Mobillikdə Mükəmməllik) kimi beynəlxalq proqramlarda iştirak edir.

Vrotslavda Bank İşi  Universiteti (Wyzsza Szkola Bankowa we Wroclawiu) 1968-ci ildən fəaliyyət göstərən ən yüksək peşə təhsil müəssisəsidir. Universitetin məqsədi gündəlik biznes təcrübəsində nəzəri bilikləri tətbiq etmək imkanı olan yüksək səviyyəli mütəxəssislərin hazırlanmasıdır. Ali təhsil müəssisəsi  əmək bazarında başlanğıcı asanlaşdırma, dinamik inkişafı stimullaşdırma, həmçinin müasir Polşa iqtisadiyyatının qurulmasında şüurlu iştirak mexanizmlərini işə salmaq üçün tələbələrin bütün intellektual və biznes potensialını nümayiş etdirməyə çalışır. Universitet iş bazarında dəyişiklikləri izləyir və biliklərin əlçatan və effekiv üsulla ötürülməsinə yönəlir. Tədris proqramları işə götürənlərin istəklərinə və yüksək peşəkar elmi kadr potensialının uzun müddətli təcrübəsinə əsaslanır.

Poznanda Bank İşi Universiteti hazırlığın biznes istiqamətlərində tədris xidmətləri təklif edən 20 illik təcrübəsi olan ali təhsil müəssisəsidir. Universitetin vəzifəsi tələbə və məzunların peşə karyerasının inkişafında tərəfdaşlıqdır. Universitet hazırlığın 9 istiqamətində tədris xidmətləri və təhsil dərəcələri (bakalavr və mühəndis), magistr dərəcəsi, aspirantura dərəcəsi təhsili (idarəçilik, ekologiya, maliyyə və mühasibat, marketinq, informasiya texnologiyaları, daşınmaz əmlak, pedaqogika, mühasibat, idarəetmə), MBA təhsili, həmçinin Executive MBA, təlimlər, dil kursları, master klasslar təşkil edir.

Varşavada Reabilitasiya Universiteti 2007-ci ildə təsis edilmişdir. Bu, reabilitasiya, təcili tibbi yardım və dietologiya sahəsində təhsil ala biləcək ixtisaslaşdırılmış ali təhsil müəssisəsidir. Universitetdə təcrübə və təhsil prosesində dünyada tanınmış Konstantinski  reabilitasiya məktəbinin ənənələrini davam etdirən yüksək ixtisaslı mütəxəssislər, eləcə də təcili tibbi yardım və dietologiya sahəsində müxtəlif yeni metodlardan istifadə edən müəllimlər çalışır. Tələbələrə ən yüksək səviyyədə təhsil təklif olunur. Siz ən nüfuzlu tibbi müəssisələrində təcrübə keçə bilərsiniz.