TƏHSİL VƏ İŞ

Tələbələrin əksəriyyəti inkişaf etmiş ölkələrdə yayılmış standartlara əməl edərək, əksər hallarda ikinci semestrdən tədrislə işi birləşdirir. Bu təkçə tələbə ehtiyaclarını ödəmək üçün pul qazanmaq imkanı yaratmır, həm də ozünü təşkil, israrlıq, işgüzarlıq və qazanca hörmət etmək kimi keyfiyyətlərə müsbət təsir göstərir .

Məsələn, Varşava supermarketlərində malın rəflərə düzülməsi və ya reklam materialının paylanması üçün bir saatlıq iş haqqı 10-12 zlotdur (2.5-3 avro), bu da, asudə vaxt zamanı işləyərkən tələbə büdjetinə yaxşı əlavə ola bilər.

Əksər tələbələr avropa gəncləri kimi yay tətilini növbəti tədris ili üçün pul qazanmağa sərf edir. Təxminən 4 ay davam edən uzun yay tətili zamanı əksər tələbələr müxtəlif tələbə proqramlarının sayəsində təcrübə və unudulmaz təəsuratlar əldə edərək səyahət edə bilər (Avropa, ABŞ, Kanada, Avstraliya, Yaponiya və s.).

Bu həm də növbəti tədris ili üçün tədris və yaşayışı ödəməkdə lazımi qədər pul qazanmağın real imkanını yaradır.